په کابل کې د اوسپنیز کانکريټي پل او کانکریټي سړک جوړولو کار روان دی
د کلیو بیا رغونې او پراختیا وزارت د سیمه ییز پروګرام له لوري د کابل ولایت د فرزې ولسوالۍ په سرخانخیلو کلي کې د څه باندې ۱۰ میلیونه افغانیو په لګښت د اوسپنیز کانکريټي پل او کانکریټي سړک جوړولو کار ۱۵ سلنه پر مخ تللی.
ددې پروژې په ترڅ کې ۴۶۴۳ کاري ورځې رامنځ ته کیږي او د سیمې ۸۷۵۰ تنه ولسي وګړي به یې له ګټو برخمن شي، ۱۸ متره اوږد اوسپنیز کانکریټي پل او ۱۱۴ متره اوږد کانکریټي سړک په پاخه ډول جوړیږي.
یاده دې وي چې د دې پروژې په بشپړتیا سره به د سیمې د خلکو ترانسپورتي ستونزې تر ډیره هوارې شي.
