په کابل ولایت کې د د ۱۱ میلیونه افغانیو په ارزښت داوبو لګولو د کانال جوړولو د پروژې کار روان دی
په کابل ولایت کې د کلیو د بیا رغونې او پراختیا وزارت د سیمه ییز پروګرام له لوري د اوبو لګولو د کانال د جوړولو د پروژې کار د بشپړیدو پر لور روان دی.
د دغې پروژې په ترڅ کې د یاد ولایت د ده سبز ولسوالي په تره خیلو کلي کې د نږدې ۱۱ میلیون افغانیو په ارزښت د ۱۵۴۹ مترو په اوږدوالي د اوبو لګولو ډبرین او کانکریټي کانال په شپږو برخو کې جوړیږي چې دوه برخې یې بشپړې شوي او پر څلورو نورو برخو یې کار روان دی.
د یادې پروژې د تطبیق پر مهال چې د IFAD په اډانه کې تمویل شوې ۵۳۳۵ کاري ورځې رامنځته کیږي چې په بشپړیدو به یې د سیمې ۳۵۰۰۰ اوسیدونکي له دغې پروژې ګټه پورته کړي. د یادونې وړ ده چې دغه پروژه به د سیمې ۴۰۰ جریبه کرنیزه ځمکه او ګڼ شمیر باغونه چې د انګورو ۵۰ زره نیالګي لري د اوبو لګولو تر منظم پوښښ لاندې راولي.
