په لوګر ولایت کې د اوبو لګولو د کانال د پروژې کار روان دی
په لوګر ولایت کې د کلیو د بیا رغونې او پرمختیا وزارت د سیمه ییز پروګرام له لوري د اوبو لګولو د کانال د پروژې کار شا او خوا ۶۰ سلنه مخ ته تللی دی.
د دغې پروژې په ترڅ کې د یاد ولایت د ازرې ولسوالي په محبت خیلو کلي کې د ۳۶۸۰ مترو په اوږدوالي د اوبو لګولو کانال په پنځو برخو کې جوړیږي.
د یادې پروژې د تطبیق پر مهال چې له ملي بودیجې تمویل شوې ۱۸۴۲۲ کاري ورځې رامنځته کیږي چې په بشپړیدو به یې د سیمې ۹۴۲۹ اوسیدونکي لدغې پروژې ګټه پورته کړي. د یادونې وړ ده چې د دغې پروژې له لارې به په سیمه کې ۵۰۰ جریبه کرنیزه ځمکه د اوبو لګولو تر منظم پوښښ لاندې راشي.
