په ميدان وردګو ولایت کې د پاکو اوبو (۴۰) حلقه څاګانو د کيندلو چارې پيل شوې
د کلیو د بیارغونې او پراختیا وزارت د محترم وزیر الحاج ملا محمد یونس اخندزاده صاحب له خوا د میدان وردګو ولایت په مرکز ميدان ښار، نرخ او سيد آباد ولسواليو کې د (۴۰) حلقو نيمه ژورو څاګانو د کيندلو چارې نن د یوې غونډې په ترڅ کې پيل شوې.
په دې غونډه کې د کليو د بيارغونې او پراختيا وزارت محترم وزير الحاج ملا محمد یونس اخندزاده صاحب، مل پلاوي، د ميدان وردګو ولايت د کليو د بيارغونې او پراختيا رياست رئیس ملا عصمت الله کرامت او يو شمېر نورو مسؤلينو، سپين ږيرو، مخورو او ځوانانو ګډون کړی وو .
د یادو پروژو د کار په بهیر کې به سلګونه تنه کاریګرو ته د کار زمینه برابره او په بشپړیدو سره به يې د مرکز او نوموړیو ولسوالیو (۸۰۰) کورنۍ د څښاک پاکو اوبو ته لاسرسی پيدا کړي.
