د کرونا وایروس د مخنېوي یوازینۍ لار عامه پوهاوی دی
له کندهار، خوست، بلخ، هرات او بامیان ولایتونو څخه وروسته دا وار د کلیو بیارغونې او پراختیا وزارت د کلیوالي اقتصاد د پیاوړتیا ملي پروګرام ولایتي کارمندانو د فراه ولایت په «سنگروز او باغ کافي» کلیو کې د کرونا وژونکي وایروس د خپرېدا د مخنېوي په اړه د عامه پوهاوي کمپاین ترسره کړ.
ولایتي کارمندان د انځوریزو پېغامونو په مرسته کلیوال د عامې روغتیا وزارت له سپارښتونو خبروي او د یاد وایروس د خپرېدا د مخنېوي په لارو-چارو یې پوهوي.
د کرونا وایروس د خپرېدا د مخنيوي په اړه د کلیو بیارغونې او پراختیا وزارت د هېواد د عامې روغتیا د سپارښتنو سره سم په کلیو کې عامه پوهاوی ترسره کوي، چې په څه ډول کلیوال وکولای شي، چې لهدې وژونکي ناروغۍ څخه ځان او کورنۍ وژغوري.
