په خوست کې د ۳.۲ کیلو متره کانکریټي سړک جوړولو کار روان دی
په خوست ولایت کې د کلیو د بیا رغونې او پراختیا وزارت د سیمه ییز پروګرام له لوري د کانکریټي سړک د دویمې برخې د جوړولو کار ۲۵ سلنه مخ ته تللی دی. د دغې پروژې په ترڅ کې د یاد ولایت د ګربزو ولسوالي په صحرا اکا کلي کې د ۳.۲ کیلومترو په اوږدوالي کانکریټي سړک د جوړیدو په حال کې دی. د یادې پروژې د تطبیق پر مهال به ۳۲۰۰ کاري ورځې رامنځته شي او په بشپړیدو به یې د سیمې ۳۰۰۸ اوسیدونکي ترې ګټه پورته کړي. د یادونې وړ ده چې د دغې پروژې په بشپړیدو به مارکیټونو ته د ځايي بزګرانو د کرهڼیزو حاصلاتو د لیږد په برخه کې د آسانتیاوو د رامنځته کیدو تر څنګ د سیمې د بیلابیلو کلیو د اوسیدونکو د تګ او راتګ په برخه کې هم مثبت اغیز وشیندل شي.
