په تخار کې د ۴۸۲ زره ډالرو په ارزښت د یوه کانال جوړولو کار روان دی
د کلیو بیا رغونې او پراختیا وزارت د سیمه ییزو پروګرامونو همغږۍ دفتر له خوا د تخار ولایت د مرکز په هیت بچه کلي کې د ۴۸۲ زره امریکايي ډالرو په ارزښت د کرنیزو اوبو د یوه کانال جوړولو کار ۴۰ سلنه مخکې تللی.
دا پروژه ۱۶۳ ډوله بیلابیل جوړښتونه لري چې د تطبیق په ترڅ کې یې سلګونه کاري ورځې رامنځ ته شوې دي.
یاده دې وي چې دا کانال ۵۱ زره او ۴۰۹ هکتاره کرنیزه ځمکه د اوبه خور تر منظم پوښښ لاندې راولي چې تر ۱۰۰۰ ډیرې کورنۍ به یې له ګټو برخمنې شي.
