په تخار ولایت کې د ۶۵ میلیونه افغانیو په ارزښت د ۱۸ کیلو متره سړک او دوو پلونو کار روان دی
د کلیو بیا رغونې او پراختیا وزارت د کلیوالي لار جوړولو ملي پروګرام له لوري د تخار ولایت د فرخار ولسوالۍ د قپانګر دوه لاري څخه تر پیاني کلي پورې د ۶۵ میلیونه افغانیو په ارزښت د ۱۸ کیلو متره سړک او د ۶۰ مترو په اوږدوالي د دوو پلونو جوړولو کار روان دی.
دا پروژه ۵۱ پلچکونه، ۵۰۰ متره استنادي دیوال او ۱.۶ کیلو متره سنکاري شوې ویاله لري ددې پروژې په بشپړتیا سره به پیاني، قپانګر، زرګران، ابي دره، چهار مغزا، خوبان دره، دره لنګ، او توتک سیمې د فرخار ولسوالۍ له مرکز سره وتړل شي.
د دې پروژې په ترڅ کې ۷۸۵۱۹ کاري ورځې رامنځ ته شوي او تر بشپړتیا وروسته به یې ۲۵۰۰ کورنۍ له ګټو برخمنې شي.
