د کلیو د بیارغونې او پراختیا وزارت د محترم وزیر صاحب له لوري په هلمند ولایت کې د یو لوی ګبيوني دیوال د جوړولو چارې پيل شوې
د کلیو د بیارغونې او پراختیا وزارت د محترم وزیر الحاج ملا محمد یونس اخندزاده صاحب له خوا د هلمند ولایت د ګرشک ولسوالۍ په قلعه ګز سيمه کې د لوی ګبيوني دیوال د (۷۲) ميليونه افغانيو په لګښت د شاوخوا (۳۲۰۰) مترو په اوږدوالي د جوړولو چارې نن د یوې غونډې په ترڅ کې پيل شوې.
په دې غونډه کې د کلیو د بیارغونې او پراختیا وزارت محترم وزیر الحاج ملا محمد یونس اخندزاده صاحب، مل پلاوي، د هلمند ولايت والي حاجي مولوي امان الدين منصور،د ياد ولايت د کليو د بيارغونې او پراختيا رياست رئيس ملا محمود ثاني،د ګرشک ولسوالۍ ولسوال حاجي معاون صاحب ، د امنیې قمندان ٫ یو شمېر نورو مسئولینو، علماء کرامو، سپین ږیرو او ځوانانو ګډون کړی وو.
په یاده غونډه کې محترم وزیر صاحب ارزښتناکه وینا وکړه او وویل:موږ به هيواد والو ته د خپل مسؤليت له مخې خدمات وړاندي کوو ، چې تر څو هيواد والو او په خاص ډول د کليوالي ولسونو ستونزي حل کړو
د یاد ګبيوني دیوال د کار په بهیر کې به سلګونه تنه کاریګرو ته د کار زمینه برابره او په بشپړیدو سره به يې د نوموړي سيمې سلګونه جریبه کرنیزه ځمکه، باغونه او استوګنه کورونه د سیلابونو او موسمي بارانونو له زیان څخه خوندي شي.
