د پکتیا ولایت مرکز ګردیز کې د نويو تولیدي ګروپونو جوړېدل
د کلیو د بیارغونې او پراختیا وزارت د کلیوالي اقتصاد د پياوړتیا ملي پروګرام له خوا د پکتیا ولایت مرکز ګردیز او احمد ابا ولسوالۍ کې ۱۷ نوي تولیدي ګروپونه جوړ شول، چې ۹ یې په ګردیز او ۸ یې په احمدابا ولسوالۍ کې فعالیت لري.
د مېرمنو دا تولیدي ګروپونه د خامک ګنډلو، له مریو څخه د تولیداتو جوړولو، د جامو په خیاطۍ، د چرګانو په فارمونو، مالدارۍ او د لاسي صنایعو په نورو سکتورونو کې بوخت دي.
د پروګرام د سیمه ییزه کارکونکو په همغږۍ، د جوړ شویو تولیداتو د پلورنې په موخه د ځینو تولیدي ګروپونو اړیکې د ګردیز بازار له عمده پلورونکو سره ټینګې شوي، چې د ښځینه جامو، خامکونو او له مریو څخه د جوړ شویو تولیداتو د پلورنې په موخه یې له سوداګرو سره قراردادونه لاسلیک کړي.
ترڅو د ګردیز سوداګر د پروګرام له تولیدي ګروپونو څخه جوړ شوي توکي په مناسبه بیه رانیسي او یا د بیاځلي لپاره تولیدي ګروپونو ته اومه مواد چمتو کړي.
