په پروان ولایت کې د اوبو رسولو شبکې څخه نظارت
د پروان ولایت د کلیو د بیارغونې او پراختیا رئیس ملا عبدالصمد صادق د یاد ولایت د جبل السراج ولسوالۍ د قرأ سه کوتي او گوهرخان د اوبو رسولو شبکې له پروژې څخه نظارت وکړ. د کلیو د بیارغونې او پراختیا رئیس د سولر پینلنګ، واټرپمپ، د اوبو ذخیرې، پاپلین سیسټم او نورو څانګو څخه لیدنه وکړه او د ساختماني شرکت مسؤولینو او اړوندو انجینرانو ته یې د نیمګړو کارونو په اړه لازمې لارښوونې وکړې تر څو د پروژو کارونه ژر تر ژره بشپړ او عملي شي. د یادونې وړ ده چې د یادې پروژې چارې بشپړیدو ته نږدې دي.
