په ننګرهار کې ۴۷۵ زده کونکو ته درسي چاپېریال برابر شو
د کلیو بیارغونې او پراختیا وزارت د ولسي تړون ملي پروګرام د اقراء پروژې تر سیوري لاندې د ننګرهار ولایت د چپرهار ولسوالۍ مندرخېلو کلي ښوونځي ته د څه باندې ۸ میلیونه افغانیو په لګښت وداني جوړه او د زده کونکو په واک کې ورکړل شوه. دغه وداني ۸ درسي ، ۲ اداري خونې، ۵ تشنابونه، د څښاک اوبو څاه او د ۴۰۰ مترو په اوږدوالي احاطه هم لري
. د ښوونځي په ودانیزو چارو کې د سیمې تخنیکي او نا تخنیکي کاریګرو لپاره ۲۸۷۶ کاري ورځې هم برابرې شوې. په چپرهار کې د ولسي تړون ملي پروګرام د اقراء پروژې تر سیوري لاندې ۴۱ ښوونځيو ته ودانۍ جوړیږي، چې د یادې ولسوالۍ ۹۵۰۰ زده کوونکي به ترې ګټه واخلي.
