په تخار کې د پسابند د ۱۴ کلیو د اوبو رسولو شبکه جوړه شوه
د کلیو بیا رغونې او پراختیا وزارت په تخنیکي همکارۍ د سویډن موسسې له لوري د تخار ولایت د مرکز د رستاق د پسابند په ۱۴ کلیو کې د ۸۰ میلیونه افغانیو په ارزښت د اوبو رسولو شبکه بشپړه او ګټې اخیستنې ته وسپارل شوه. دا شبکه ژورې څاه ګانې او جوړښتونه یې، ۶۵۲ سولري تختې، ۸۷ کیلو متره پایپ، ۱۶ زیرمې او ۷۰ نلکې لري، اوبه د سولري بریښنا په مټ له ژورو څاه ګانو ایستل کیږي زیرمو ته لیږدول کیږي او بیا په ۱۴ کلیو کې په ۲۶ زره کسانو باندې ویشل کیږي. یاده دې وي چې ددې پروژې په ترڅ کې تخنیکي او نا تخنیکي کارګرو ته سلګونه کاري ورځې رامنځ ته شوې وې.
