په غور کې د ۳۷.۵ میلیونه افغانیو په ارزښت ۲۰۰۰ کورنیو لپاره د څښلو پاکې اوبه برابرې شوې
د کلیو د بیارغونې او پراختیا وزارت په کلیوالي سیمو کې د اوبو رسولو او حفظالصحې د پروګرام له لوري د غور ولایت د مرکز فیروز کوه اړوند په «شهرک مهاجرین» سیمه کې د ۳۷.۵ میلیونه افغانیو په لګښت سره چې بودجه یې د یونیسف ادارې لخوا ورکړل شوه، د اوبو رسولو یوه شبکه جوړه او د ځايي خلکو ګټې اخیستنې ته وسپارل شوه.
د اوبو رسولو ددغې شبکې په تکمیلېدو سره د شاوخوا ۲۰۰۰ کورنیو لپاره د څښلو پاکې اوبه برابرې شوې.
د اوبو رسولو په یاده پروژه کې د سرچینو او ذخیرو جوړول، د ۴۵۰۰ مترو په اوږدوالي د پایپونو د شبکې غځول، د کورونو په داخل کې د ۱۵۵۰ نلبندانونو نصبول او ځینې نورې چارې شاملې وې.
ددغې پروژې د جوړولو چارو دغه راز د ځايي خلکو لپاره شاوخوا ۱۱۶۰۰ کاري ورځې هم رامنځته کړې.
