په کابل کې د ۷ میلیونه افغانیو په ارزښت د اوبو لګولو د کانال پروژه بشپړه شوه
د کلیو د بیا رغونې او پراختیا وزارت د سیمه ییز پروګرام له لوري د نږدې ۷ میلیونه افغانیو په ارزښت د ۸۴۶ مترو په اوږدوالي د اوبو لګولو د پاخه کانال د پروژې کار د کابل ولایت د خاک جبار ولسوالۍ په کوز ملنګ کلي کې بشپړ شواو پروژه ګټې اخیستنې ته وسپارل شوه.
د دغې پروژې د تطبیق پر مهال چې د IFAD په اډانه کې تمویل شوې ۳۳۵۰ کاري ورځې رامنځته شوي او د سیمې شا او خوا ۴۰۰۰ اوسیدونکي له دغې پروژې ګټه پورته کوي. د یادونې وړ ده چې دغې پروژې د سیمې ۱۰۰۰ جریبه کرنیزه ځمکه او ګڼ شمیر باغونه د اوبو لګولو تر منظم پوښښ لاندې راوستي دي.
