په تیره اونۍ کې د هیواد په ۴ ولایتونو کې د ۴ ښوونځیو د جوړیدو چارې بشپړې شوې
د کلیو بیارغونې او پراختیا وزارت د ولسي تړون پروګرام د اقرا برنامې تر سیوري لاندې له لوري د هیواد د بادغیس ولایت په مقر، د کندهار ولایت په پنجوایي، د هرات ولایت په کشک رباط سنګي او د پکتیکا ولایت په برمل ولسوالیو کې د ۴ ښوونځیو د جوړیدو چارې بشپړې و ګټې اخستنې ته وړاندې شول.
دا ښوونځي ۸ یا ۶ ټولګي، تشنابونه او د څښاک د اوبو څاه ګانې لري او د ۱۱۸۰ زده کوونکو لپاره یې د زده کړو وړ چاپیریال رامنځته کړی دی.
له دې سره سره د کندهار ولایت په ارغنداب ولسوالۍ کې د یوه ښوونځي د جوړیدو چارې ۹۶ سلنه پر مختللي دي چې د جوړیدو پر مهال یې ۲۴۰۰ کاري ورځې رامنځته شوي دي او په بشپړیدو به یې ۱۵۰ زده کوونکي ترې ګټه پورته کړي.
