په بدخشان کې د یوه محافظوي دیوال کار بشپړ او ګټې اخستنې ته وسپارل شو
د کلیو بيارغونې او پراختيا وزارت د ولسي ترون ملي پروګرام له لوري د بدخشان ولایت د واخان ولسوالۍ په ورگند پایان کلي کې د یوه محافظوي دیوال کار د ۱ میلیون او ۷۹۱ زره افغانیو په لګښت بشپړ او ګټې اخستنې ته وسپارل شو.
نوموړی محافظوي دیوال ۱۲۶ متره اوږدوالې لري او د جوړېدو په ترڅ کې يې تخنیکې او غیر تخنیکې کاریګرو لپاره ۱۳۲۶ کاري ورځې رامنځته شویدي. ددې دیوال په جوړیدو سره به ۲۶ کورنۍ او ۲۶۰ جریبه ځمکه له ویجاریدو نه وژغورل شي.
