په ننګرهار کې د ۳ میلیونه افغانیو په ارزښت د اوبورسولو دیوې شبکې د جوړولو هوکړه لیک لاسلیک شو
د کلیو بیارغونې اوپراختیا وزارت داوبورسولو او کلیوالي حفظ الصحې ملي پروګرام له لورې دننګرهار ولایت دهسکې مینې په عبدل بابا کلي کې د ننګرهار کلیو بیارغونې او پراختیا رییس او شرمخۍ شورا ترمنځ د ۳ میلیونه افغانیو په ارزښت د اوبورسولو دیوې شبکې د جوړولو هوکړه لیک لاسلیک شو.
دا پروژه چې په سولري سیستم سنبال ده لګښت یې د خلکو په لس سلنه ونډې سربیره له ملي بودیجې ورکول کیږي، او په جوړیدو سره به یې ۱۳۰ کورنۍ دڅښاک پاکو اوبو ته لاسرسی ومومی.
