په دره ننګرهار کې د يوه استنادي ديوال د جوړيدو هوکړه ليک لاسليک شو
د ننګرهار ولايت د کليو بيارغونې او پراختيا رييس او د دره نور ولسوالۍ د کشمنډ کلا د شورا ترمنځ د څه باندې ۳.۸ ميليونه افغانيو په ارزښت د يوه استنادي ديوال د جوړيدو هوکړه ليک لاسليک شو.
د ننګرهار کليو پراختيا او بيارغونې رييس انجينر امان الله مياخيل وويل دغه استنادي ديوال ۱۷۲متره اوږددوالي لري چي د کليو بيارغونې او پراختيا وزارت د سيمه ييزې همغږۍ پروګرام له بوديجي څخه د څه باندې ۳.۸ ميليونه افغانيو په لګښت جوړيږي . نوموړي زياته کړه ددې ديوال په جوړيدو سره به په ياده سيمه کې په سلګونو جريبه کرنيزه ځمکه د سيلابونو له ګواښ څخه وژغورل شي.
ددې ديوال په جوړيدو کې د خلکو لس سلنه ونډه هم شامله ده او په نږدې راتلونکي به يي عملي چارې هم پيل شي.
