په فارياب کې د څه باندې ۱.۸ ميليونه افغانيو په ارزښت د څښاک د اوبو د يوې شبکې کارروان دي
د کليو بيا رغونې او پراختيا وزارت د ولسي تړون ملي پروګرام له لوري د څه باندې ۱.۸ ميليونه افغانيو په ارزښت د څښاک د پاکو اوبو د يوې شبکې د جوړولو کار د فارياب ولايت د اندخوي ولسوالۍ اړوند د ابو هريره تواچي کلي د پراختيايي شورا له خوا روان دي. د څښاک د پاکو اوبو دغه شبکه چې ۱۳۵۰ متره اوږدوالي، د ۲۳ مکعبه متره اوبو يوه زيرمه، ۸ نلکې او ۲ څاه ګانې لري د جوړولو کاريې تر ۸۵ سلنه پر مخ تللي دي. د يادونې وړ ده چې د دغې پروژې له بشپړيدو وروسته به ۳۰۰ کورنۍ د څښاک پاکو اوبو ته لاسرسۍ ومومي
