په کونړ کې د ۵۹۴ متره محافظوي دیوال د جوړولو کار پای ته نږدې دی
په کونړ ولایت کې د کلیو د بیا رغونې او پراختیا وزارت د سیمه ییز پروګرام له لوري د محافظوي دیوال د جوړولو کار ۹۵ سلنه مخ ته تللی دی. د دغې پروژې په ترڅ کې د یاد ولایت د وټپور ولسوالۍ په شړلو کلي کې له معیارونو سره سم د ۵۹۴ مترو په اوږدوالي محافظوي پوخ دیوال په دوو برخو کې د جوړیدو په حال کې دی. د یادې پروژې د تطبیق پر مهال به ۷۹۶۳ کاري ورځې رامنځته شي او په بشپړیدو به یې د سیمې ۴۰۳۰ اوسیدونکي ترې ګټه پورته کړي. د یادونې وړ ده چې د دغې پروژې په بشپړیدو به هلته نه یواځې د ځايي اوسیدونکو ۲۵۰ جریبه کرهڼیزه ځمکه بلکې د سیمې ګڼ شمیر کورونه هم د موسمي سیلابونو له ګواښ څخه خوندي کړلی شي.
