په کندز کې د ۳.۳ میلیونه افغانیو په ارزښت د یو استنادي دېوال کارونه روان دي
د کلیو بیارغونې او پراختیا وزارت د ولسي تړون ملي پروګرام د کاسا زر پروژې تر چتر لاندې د کندز ولایت د امام صاحب ولسوالۍ په برزنګي ملا سلطان کې د یوه استنادي دېوال او ۱۸ پولګوټو د جوړولو کارونه ۴۰ سلنه پرمخ تللي دي.
دغه دېوال ۷۵ متره اوږدوالی او ۲.۲ متره جګوالی لري . ددې ټولګټې پروژې په بهیر کې به د سیمې د ۷۳۸ کورنیو تخنیکي اوناتخنیکي کاریګرو ته ۲۴۶۵ کاري ورځې برابرې شي.
د یادونې وړ ده چې ددې پروژې په بشپړیدو سره به یاده سیمه د ښار له حلقوي سړک سره وصل شي او د خلکو د اقتصادي او ټولنیز ژوند لپاره ډېره ارزښتمنه ده.
