په پنجشیر کې د ۳۰ میلیونه افغانیو په ارزښت د ۶۰۰ متره محافظتي دیوال د جوړولو کار روان دی
د کلیو بیا رغونې او پراختیا وزارت د سیمه ییزو پروګرامونو همغږۍ دفتر له خوا د پنجشیر سیندو پر غاړو د ۳۰ میلیونه افغانیو په ارزښت د ۶۰۰ متره محافظتي دیوال د جوړولو کار روان دی.
د دې پروژې په ترڅ کې ۱۴ زره ۹۹۵ کاري ورځې رامنځ ته شوي او تر بشپړتیا وروسته به یې څه باندې ۴۰۰۰ سیمه ییز خلک له ګټو برخمن شي.
یاده دې وي چې د دې پروژې په بشپړتیا سره به سلګونه جریبه کرنیزه ځمکه، باغونه او د اوسیدو کورونه د سیلابونو له ګواښه خوندي شي.
