په لوګر ولایت کې د اوبو لګولو د کاریز د جوړولو کار روان دی
د کلیو بیا رغونې او پرمختیا وزارت د سیمه ییز پروګرام له لوري د لوګر ولایت د محمد آغې ولسوالۍ په قلي کلي کې د اوبو لګولو د کانال د پروژې کار ۷۰ سلنه مخ ته تللی دی.
د دغې پروژې په لړ کې چې له ملي بودیجې تمویل شوې په یاد کلي کې د ۷۴۰ مترو په اوږدوالي د اوبو لګولو د کاریز کانال او د کاریز ۱۲ څاه ګانې په پاخه ډول جوړیږي.
د یادې پروژې د تطبیق پر مهال ۱۲۱۲ کاري ورځې رامنځته کیږي چې په بشپړیدو به یې د سیمې ۷۰۰ جریبه کرنیزه ځمکه د اوبو لګولو تر منظم پوښښ لاندې راشي او ۱۸۹۰ ځايي اوسیدونکي به ترې ګټه پورته کړي.
