په غور کې د ۳۱.۴ میلیونه افغانیو په ارزښت د ۲۰ پرمختیایي پروژو کار بشپړ شو
د کلیو بیارغونې او پراختیا وزارت د ولسي تړون ملي پروګرام له لوري د غور ولایت د لعل وسرجنګل، تولک او شهرک ولسوالیو په کلیو کې د ۳۱.۴ میلیونه افغانیو په ارزښت د ۲۰ پرمختیایي پروژو کار بشپړ او ګټې اخستنې ته وسپارل شوې.
په دې پروژو کې د اوبو رسولو شبکې، دلمریزې بریښنا شبکې، د اوبه خور زیرمې، د اوبو د بریښنا وړې شبکې، د څښاک داوبو د څاه ګانو کیندل او د کرنیزو کانالونو جوړول شامل دي. چې تر جوړیدو وروسته یې د یادو ولسوالیو د ۱۶۸۱ کلیوالي کورنیو ستونزې هوارې کړي دي.
د یادولو وړ ده چې ددې پرمختیایي پروژو په تطبیق سره د سیمې د اوسیدونکو په ژوند کې د پام وړ بدلون رامنځته شویدی.
