په غور ولایت کې د ۱۴ میلیونو افغانیو په ارزښت دوو ټرانسپورټي پلونو د جوړولو د بنسټ ډبره کیښول شوه
په غور ولایت کې د کلیو د بیا رغونې او پرمختیا وزارت د سیمه ییز پروګرام له لوري د نږدې ۱۴ میلیون افغانیو په ارزښت د دوو پلونو د پروژې د بنسټ ډبره د دغه پروګرام د رییس بریالي هلالي له لوري چې ځايي خلکو یې ملیتا کوله کیښودل شوه.
د دغو پروژو په ترڅ کې چې له ملي بودیجې تمویل شوي د یاد ولایت د لعل او سرجنګل ولسوالیو په بیخ سنګ او دهن چکه کلیو کې د ۲۰ مترو په اوږدوالي جلا جلا دوه پاخه پلونه جوړیږي.
د دغو پروژو پر مهال به ۴۹۳۸ کاري ورځې رامنځته شي او ځايي ۵۸۷۴ اوسیدونکي به ترې په مستقیم ډول ګټه پورته کړي. د دغو پروژو په بشپړیدو به بیلابیلو کلیو ته د سیمې د اوسیدونکو د تګ او راتګ په برخه کې چې پخوا له ګڼ شمیر ستونزو سره مخ ول د پام وړ آسانتیاوې رامنځته شي.
