په سمنګان کې د اوبه خور د ۱۵۸۳۰ متره کانال کار ۳۰ سلنه مخکې تللی
د کلیو بیا رغونې او پراختیا وزارت د سیمه ییز پروګرام تر څار لاندې د AKF له خوا د KFW په مالي لګښت د سمنګان ولایت په مرکز کې د اوبه خور ۱۵۸۳۰ متره کانال په پاخه او بنسټیز ډول جوړیږي چې کار یې ۳۰ سلنه مخکې تللی دی.
د دې پروژې په بشپړتیا سره به ۱۵ کلي د اوبه خور د سیستم تر پوښښ لاندې راشي، ۱۳۶ کسانو ته به دوامداره کار پیدا شي او ۱۳۱۹۵ سیمه ییز وګړي به یې له ګټو برخمن شي.
د یادونې وړ ده چې د دې کانال په جوړولو سره به ۶۹۴۰ جریبه کرنیزه ځمکه خړوبه شي او کروندو ته پر لاره به د اوبو د ضایع کیدو مخه هم ونیول شي.
