په خوست کې د ۱.۸ میلیونو افغانیو په ارزښت د ۴۵۰ مترو په اوږدوالي یو کرنیز کانال د جوړولو کار بشپړ شو
د کلیو بیا رغونې او پرختیا وزارت د ولسي تړون ملي پروګرام له لوري د اسماعیل خیلو مندوزیو ولسوالۍ اړوند د کټه ساري په کلي کې د ۱.۸ میلیونو افغانیو په ارزښت د ۴۵۰ مترو په اوږدوالي یو کرنیز کانال د جوړولو کار بشپړ او ګټې اخیستنې ته وسپارل شو. نوموړی کانال به د سیمې۲۵۰ جریبه کرنیزه ځمکه خړوبوي او ۱۸۳ کورنۍ ترې ګټه اخلي. د یادونې وړده، چې د دې پروژې په تطبیق کې تخنیکي او نا تخنیکي کاریګرو ته ۱۳۲۵ کاري ورځې رامنځته شوې .
