په جوزجان کې د ۲۱.۴ میلیونه افغانیو په ارزښت د ۱۴ پرمختیایې پروژو کار بشپړ شو
د کلیو بیارغونې اوپراختیا وزارت د ولسي تړون ملي پروګرام له لوري د جوزجان ولایت د مرکز او فیض اباد ولسوالۍ په کلیو کې د ۲۱.۴ میلیونه افغانیو په ټولیز لګښت د ۱۴ پرمختیایې پروژو کار بشپړ او ګټې اخستنې ته وسپارل شوې.
په دې پروژو کې ۴.۱ کیلومتره د اوبورسولو یوه شبکه، ۲۶ د اوبو ویشونکي،د څښاک د اوبو ۷ څاه ګانو کیندل، د ۶.۴۵ کیلومتره ښاري بریښنا د شبکې غځول، د ۲۰۱ متره استنادي دیوال جوړول، د ۸.۲ کیلومتره دریمې درجې سړک جوړول. ۲ د بریښنا ترانسفرمرونه لګول او د څښاک د اوبو د دوو زیرمو جوړول راځي.
باید ووایو چې ددې پروژو په ترڅ کې سلګونه کاري ورځې رامنځته شوې او ۴۳۲۸ کورنۍ یې له ګټو څخه برخمنې شوي دي.
