د کلیو د بیارغونې او پراختیا وزارت له لوري په میدان وردګو ولایت کې (۴۵۱) پراختیايي پروژې ګټې اخیستنې ته وسپارل شوې

noor_admin
دوشنبه ۱۴۰۲/۱۱/۱۶ - ۹:۲۴
1

د کلیو د بیارغونې او پراختیا وزارت له لوري او د (UNOPS) دفتر په مالي مرسته د میدان وردګو ولایت د مرکز میدان ښار، جلریز او لومړۍ حصې بهسودو ولسوالیو په بېلابېلو کليو کې د څه باندې (۳۲۳) میلیونه افغانيو په لګښت د ټولنیز ملاتړ او معیشت پروګرام د (۴۵۱) بېلابېلو پراختیايي پروژو چارې بشپړې او نن د یوې غونډې په ترڅ کې د یاد وزارت د سرپرست وزیر الحاج ملا محمد یونس اخندزاده له لوري ګټې اخیستنې ته وسپارل شوې.

په دغو پروژو کې د (۱۳۴۶۰۲۲) مترو په اوږدوالي د کانالونو پاکول، د (۳۸۵۲۰۲) مترو په اوږدوالي د کلیوالي سړکونو جغل اچول، د (۳۳۸۱) مترو په اوږدوالي د استنادي دیوالونو رغول، د ځمکو د خړوبولو لپاره د (۴۰) ذخیرو پاکول، د غره لمن کې د (۱۹۸۵)  آب ریزونو کېندل، د (۱۵۱) پلچکونو جوړول، د (۷،۵) مترو په اوږدوالي د یو پُل رغول او د څښاک پاکو اوبو د (۴) څاګانو ترمیم شامل دي.

د یادو پروژو د کار په جریان کې (۱۵۸۰۴) تنه کاریګرو ته د کار زمینه برابره او هر کاریګر ته د کار په مقابل کې نقدې پیسې ورکړل شوې دي. 

د یادو پروژو په بشپړیدو سره په اړوندو برخو کې د مرکز او نوموړو ولسوالیو د اوسیدونکو ستونزې هوارې شوې.

تازه خبرونه

دوشنبه ۱۴۰۳/۱/۱۳ - ۱۲:۶
Background image

د کلیو د بیارغونې او پراختیا وزارت سرپرست وزیر په افغانستان کې د ملګرو ملتونو د ځانګړي استازي له مرستیال او مل پلاوي سره وکتل

د کلیو د بیارغونې او پراختیا وزارت سرپرست وزیر الحاج ملا محمد یونس آخندزاده نن په خپل کاري دفتر کې په افغانستان کې د ملګرو ملتونو د ځانګړي استازي له مرستیال اندریکا راتوتي او مل پلاوي. . .

پنجشنبه ۱۴۰۳/۱/۲ - ۲۲:۱۲
Background image

په پکتیا ولایت کې یو کوچنی بند ګټې اخیستنې ته وسپارل شو

د کلیو د بیارغونې او پراختیا وزارت له لوري د پکتیا ولایت په زرمت ولسوالۍ کې د څه باندې (۴.۹) میلیونه افغانیو په لګښت د یوه کوچنۍ بند د جوړولو چارې بشپړې او نن د یوې غونډې په ترڅ کې د. . .

شنبه ۱۴۰۳/۱۲/۲۶ - ۹:۳۰
Background image

په کاپيسا ولایت کې (۳۳۱) بیلابیلې پراختیايي پروژې ګټې اخیستنې ته وسپارل شوې

د کلیو د بیارغونې او پراختیا وزارت له لوري او د (UNOPS) دفتر په مالي مرسته د کاپيسا ولایت په حصه اول او حصه دوم ولسوالیو کې د څه باندې (۴۴۱) میلیونه افغانیو په لګښت د افغانستان ټولنیز. . .

BACK TO NEWS