د کلیو بیارغونې او پراختیا وزارت لومړنی وزارت دی، چې له تېرو دوو کالونو راهیسې په انلاین بڼه د تدارکاتو چارې سمبالوي
د کلیو بیارغونې او پراختیا وزیر پوهندوی مجیب الرحمن کریمي په انلاین بڼه د تدارکاتي داوطلبیو د سمبالولو په کنفراس کې چې د تدارکاتو ملي ادارې په نوښت جوړ و، وویل چې دا سیسټم به برېښنایي حکومتوالي پیاوړي کړي، روڼتیا به رامنځته کړي، ټولنیز ګډون ته لار هواروي او د دې ترڅنګ به د تدارکاتو چارې ژر او په وخت سرته رسیږي.
د کلیو بیارغونې او پراختیا وزیر زیاته کړه، دا سیسټم به د بیروکراسۍ مخه ونیسي او د کلیو بیارغونې او پراختیا وزارت له تېرو دوو کالونو راهیسې په انلاین بڼه د تدارکاتو چارې سمبالوي.
د یادونې وړ ده، چې له دې وروسته ټولې ادارې باید په انلاین بڼه د داوطلبیو چارې مخته یوسي.
