د لوګر ولایت د مرکز، خروار او محمد آغې ولسوالۍ اړوند د پیسو په مقابل کې د کار پروژې
د کلیو د بیارغونې او پراختیا ریاست او د (HRDA) مؤسسې په همکارۍ او همغږۍ، د نړیوال خوراکي پروګرام (WFP) له لورې د لوګر ولایت مرکز، محمد آغه او خروار ولسوالیو اړوند د پیسو په مقابل کې د کار د پروژې ۱۳۰۰ تنو کارګرانو ته د یوه میاشت معاش وویشل شو. دغه کارګران په محمد آغې ولسوالۍ کې د چکدم او ۳۹ خاکي بندونو د جوړولو، په مرکز کې د ۳۰ خاکي بندونو د جوړولو او په خروار ولسوالۍ کې د ۷۰ خاکي بندونو د جوړولو په برخو کې ګمارل شوي و د خپل یوې میاشتې معاش چې (۸۵۰۰) افغانۍ کیږي ترلاسه کړل. د یادونې وړ ده چې په یادو پروژو کې په هر پړاو کې د ټولو کارګرانو د معاش لس سلنه پر کونډو او د کورنیو سرپرست ښځو وړیا ویشل کیږي.
