د زابل په شاه جوی کې ۴۰۰ زده کوونکو ته د ښوونځي وداني جوړه شوه.
د زابل ولایت په شاه جوی ولسوالۍ کې د خواجکو کلي د ښوونځي وداني جوړه شوه چې د یادې سیمې ۴۰۰ زده کونکو ته یې د زده کړو لپاره وړ درسي چاپېریال برابر کړ. دغه وداني ۱۰ درسي او ۲ اداري خونې، ۵ تشنابونه او د څښاک اوبو یوه څاه لري چې د کلیو بیارغونې او پراختیا وزارت د ولسي تړون ملي پروګرام، اقراء برنامې په چوکاټ کې یې کارونه بشپړ شول. باید یاده کړو چې د ښوونځي په ودانیزو چارو کې د سیمې تخنیکي او نا تخنیکي کاریګرو لپاره لسګونه کاري ورځې هم برابرې شوې.
