« په سیمه کې دکلیوالي پرمختیا د کارنده ماډلونو پیژندنه او په افغانستان کې یې تطبیق» ورکشاپ تر سره شو
د افغانستان د کلیو پراختیا انسټیټیوټ د کلیو بیا رغونې او پراختیا وزارت وزارت ۶۰ تنو مرکزي کارمنانو ته او په انلاین بڼه ولایتي کارمنانو ته « په سیمه کې دکلیوالي پرمختیا د کارنده ماډلونو پیژندنه او په افغانستان کې یې تطبیق» تر سرلیک لاندې ورکشاپ تر سره کړ.
د دې ورکشاپ په ترڅ کې د افغانستان د کلیو پراختیا انسټیټیوټ د څیړنې او مطالعاتو د برخې همغږي کوونکي محمد انور انورزي او د جغرافیوي معلوماتو د ادارې کارپوه ډاکټر عبدالله برات د ګاندي، تایلنډ او د جاپان د یوه کلي یو محصول ماډلونه په هر اړخیز ډول وځیرل.
د ورکشاپ په پیل کې د وزارت مقام سلاکار شهزار ځدراڼ له کلیوالي ماډلو الهام اخستل نیک ګام وګاڼه او ویې ویل « د وزارت د مقام د مشرتابه ټينګار د کلیوالي اقتصاد د پرمختیا د ماډلو پر پیژندنه راټول دی او هیله هم داده چې له دې پروګرامونو څخه تر شونې کچې ډیره ګټه واخلو»
باید ووایو چې ګاندي، تایلنډ او د جاپان ماډلونو په اړوندو او نورو هیوادونو کې د سیمه ییزو بنسټونو د پیاوړتیا، ټولنیزې برابرۍ، د کلیو د ځان بساینې، د ټولنیزو بنسټونو د توانمنولو، د بې وزلۍ د کچې د ښکته کولو، د معیشیت د ودې او د خلکو د ژوندانه د کچې د لوړولو په برخه کې ارزښتناک رول لوبولی دی.
