د کلیو د بیارغونې او ڀراختیا وزارت له لوري په هرات ولایت کې د اوبو یو کوچنی بند ګټې اخیستنې ته وسپارل شو
د کلیو د بیارغونې او پراختیا وزارت له لوري د هرات ولایت د زاول ولسوالۍ په آبگرمک کلي کې د څه باندې (۵،۴) میلیونه افغانیو په لګښت د اوبو د یوه کوچني بند د جوړولو چارې بشپړې او نن د یوې غونډې په ترڅ کې د دغه وزارت د سرڀرست وزیر الحاج ملا محمد یونس اخندازده له خوا ګټې اخیستنې ته وسپارل شو.
ڀه یاده غونډه کې د کلیو د بیارغونې او پراختیا وزارت سرپرست وزیر الحاج ملا محمد یونس اخندزاده، د هرات ولایت د کلیو د بیارغونې او ڀراختیا رئیس مولوي عبدالسلام هجرت، د وزارت د کلیوالي اوبو رسولو او روغتیا ساتنې رئیس انجنیر اسدالله عمار، د زاول ولسوال ملا عوض منیب، یو شمیر نورو مسوولینو، سپین ږیرو او ځوانانو ګډون کړی وو.
د اوبو دغه کوچنی بند (۷۷) متره اوږدوالی، (۶،۸) متره لوړوالی او د (۱۸۰۰۰) متر مکعب اوبو ذخیره کولو وړتیا لري چې د کار په جریان کې يې لسګونه تنه کاریګرو ته د کار زمینه برابره شوې وه.
د یاد کوچني بند په بشپړیدو سره د باران اوبه مهار او د ځمکې لاندې اوبو سطحه به برقراره وساتل شي.
