د کلیو د بیارغونې او پراختیا وزارت له لورې په پکتیا ولایت کې (۳) چیک ډیمونه او د بدیلو پروژو چاري پیل شوي
د کلیو د بیارغونې او پراختیا وزارت له لورې په پکتیا ولایت کې د څه باندې (٤٠) میلیونه افغانیو په لګښت د (۳) چیک ډیمونو او بدیلو پروژو د عملي کولو چارې نن د یو لړ مراسمو په ترڅ کې د یاد وزارت سرپرست وزير الحاج ملا محمد یونس اخندازاده او مل پلاوي له لورې يې عملا چاري پیل شوې.
په یاده غونډه کې د کلیو د بیارغونې او پراختیا وزارت سرپرست وزير الحاج ملا محمد یونس اخندزاده، مل پلاوي،د پکتیا ولایت والي مولوي مهرالله حماد، ددغه ولایت استیناف محکمي رئیس مفتي عبیدالله حقاني،د پکتیا ولایت د کلیو د بیارغونې او پراختیا رياست رئیس مولوي میرزا جان صادق، د یاد ولایت د علماوو د شورا نماينده مفتي امان الله صاحب، د سیمې علماء کرامو، سپین ږیرو او ځوانانو ګډون کړی وو.
د یادو چیکډیمونو او پروژو د کار په جریان کې به د سیمې سلګونه تنه کاریګرو ته د کار زمینه برابره شې او د دغو چيکډيمونو په بشپړيدو سره به د ياد ولايت د ډيرو سيمو د باران اوبه مهار او د ځمکې لاندې اوبو سطحه به برقراره وساتل شي.
