د کلیو د بیارغونې او پراختیا وزارت له لورې په نیمروز ولایت کې (۵) چیک ډیمونه جوړیږي
د کلیو د بیارغونې او پراختیا وزارت له لورې په نیمروز ولایت کې د څه باندې (۱۵)میلیونه افغانیو په لګښت (۵) چیک ډیمونه جوړیږي، چې له جملې څخه يې د (۲) چیک ډیمونو چارې نن د یو لړ مراسمو په ترڅ کې د یاد وزارت د سرپرست وزير الحاج ملا محمد یونس اخندازاده او مل پلاوي له لورې عملا پیل شوې.
په یاده غونډه کې د کلیو د بیارغونې او پراختیا وزارت سرپرست وزير الحاج ملا محمد یونس اخندزاده، مل پلاوي،د ولایت مقام مرستیال الحاج مولوي عبدالقیوم روحاني، د دغه ولايت قومندان امنیه حاجې سردار ایوبي، يوشمير مسؤلينو، د هلمند ولايت د کليو دبيا رغونې او پراختيا رياست رئيس ملا محمود ثاني، د هرات ولايت د کليو دبيا رغونې او پراختيا رياست رئيس ملا عبدالسلام هجرت، د نیمروز ولایت د کلیو د بیارغونې او پراختیا رياست رئیس ملا محمد حق بشیر، د سیمې علماء کرامو، سپین ږیرو مخورو او ځوانانو ګډون کړی وو.
د یادو چیکډیمونو د کار په جریان کې به د سیمې سلګونه تنه کاریګرو ته د کار زمینه برابره شې او په جوړیدو سره به يې د نوموړو ولسوالیو د باران اوبه مهار او د ځمکې لاندې اوبو سطحه به برقراره وساتل شي.
