د کندز ولایت د کلیو بیارغونې او پراختیا ریاست په انګړ کې یو محراب مسجد پرانستل شو
د کندز ولایت د کلیو بیارغونې او پراختیا ریاست په انګړ کې جوړشوی مسجد نن د کلیو بیارغونې او پراختیا وزارت د سرپرست وزیر الحاج ملا محمد یونس اخندزاده، د وزارت مرکزي رئيسانو، د کندز ولایت د علماوو شورا غړو، د شمال ختیځ زون د کلیو د بیارغونې او پراختیا ریاستونو رئیسانو، د ولایت مقام مرستیال ښاغلي حبیب الرحمن صهیب او د یاد ولایت یو شمیر مخورو او سپین ږیرو له لورې د یو لړ مراسمو په ترڅ کې پرانیستل شو.
یاد مسجد د کندز ولایت د کلیو بیارغونې او پراختیا رئیس الحاج مولوي اسدالله حامد د زیار او هڅو په پاېله کې د(۱۰۰۰۰۰۰) افغانیو په لګښت سره چې په عصري او اساسي ډول رغول شوی.
د يادونې وړده چې دغه مسجد په یو وخت کې د یاد رياست د ټولو کار کوونکو د لمونځ کولو ظرفيت لري.
