د کلیو د بیارغونې او پراختیا وزارت سرپرست د پکتیا ولایت له یو شمیر علماء کرامو، مخورو او سپین ږیرو سره وکتل

noor_admin
پنجشنبه ۱۴۰۲/۴/۲۲ - ۲۰:۴۳
1

د کلیو د بیارغونې او پراختیا وزارت سرپرست وزیر الحاج ملا محمد یونس اخندزاده نن په خپل کاري دفتر کې د پکتیا ولایت د ډنډ پټان ولسوالۍ له یو شمیر علماء کرامو، مخورو او سپین ږیرو سره لیدنه وکړه.

د لیدنې په پيل کې د ډنډ پټان ولسوالۍ مخورو د کلیو د بیارغونې او پراختیا وزارت مشرتابه څخه مننه وکړه چې تل يې له دوی سره د بیارغونې په برخه کې مرسته کړي او ولسونو ته يې خپله دروازه پرانیستې ترڅو خپلې شته ستونزې ورسره شریکې  کړي.

 په دغه لیدنه کې د پکتیا ولایت د ډنډ پټان ولسوالۍ مخورو وزیر صاحب ته د بیارغونې د پروژو په اړه د خپلو سیمو ستونزې بیان کړې، دوی وویل چې د پکتیا ولایت د ډنډ پټان ولسوالۍ د پل رغنیز کارونه په ټپه ولاړ دي، او له وزیر صاحب څخه غوښتنه وکړه چې د یادې پروژې د ساختماني چارو د بیا پيلولو په اړه له دوی سره مرسته وکړي ترڅو دغه نیمګړې پروژه بشپړه شي.

د کلیو د بیارغونې او پراختیا وزارت سرپرست  د پکتیا ولایت څخه راغلو میلمنو ته د ښه راغلاست ترڅنګ وویل چې زمونږ موخه خلکو ته خدمت کول دي او تل هڅه کوو د ولسونو د ستونزو د حل په برخه کې چټک اقدام وکړو. دغه راز وزیر صاحب د خپلو خبرو په ترڅ کې د ډنډ پټان ولسوالۍ مخورو او سپین ږیرو ته ډاډ ورکړ چې د یاد پل د پروژې کارونه به شته امکاناتو ته په کتو سره  ژر تر ژره پيل شي.

یاده لیدنه د خیر په دعائيې سره پای ته ورسید.

تازه خبرونه

چهارشنبه ۱۴۰۴/۶/۵ - ۱۴:۳۱
Background image

د کلیو د بیارغونې او پراختیا وزارت له لوري د مؤسساتو له استازو سره د همغږۍ غونډه ترسره شوه

د کلیو د بیارغونې او پراختیا وزارت د محترم وزیر الحاج ملا محمد یونس اخندزاده صاحب په مشرۍ نن له غرمې مخکې د مؤسساتو له استازو سره د اوبو او روغتیا ساتنې په تړاو د همغږۍ غونډه ترسره شوه.. . .

شنبه ۱۴۰۴/۵/۴ - ۹:۸
Background image

د کلیو د بیارغونې او پراختیا وزارت خپل یو کلن فعالیتونه او لاسته راوړنې له رسنیو سره شریکې کړې

د کلیو د بیارغونې او پراختیا وزارت محترم وزیر الحاج ملا محمد یونس اخندزاده صاحب نن له غرمې مخکې د اطلاعاتو او رسنیو د مرکز په خبري کنفرانس کې د یاد وزارت یو کلن فعالیتونه او لاسته. . .

دوشنبه ۱۴۰۴/۳/۵ - ۸:۱۹
Background image

په پروان ولایت کې د (۱۷۵) بیلابیلو پراختیايي پروژو چارې پیل شوې

د کلیو د بیارغونې او پراختیا وزارت له لوري د پروان ولایت په شینواري او سالنګ ولسوالیو کې د څه باندې (۲۴۵) میلیونه افغانیو په لګښت د (۱۷۵) پراختیايي پروژو چارې نن د یوې غونډې په ترڅ کې د. . .

BACK TO NEWS