د کلیو د بیارغونې او پراختیا وزارت محترم وزیر له نړیوالو علماوو سره وکتل
د کلیو د بیارغونې او پراختیا وزارت محترم وزیر، الحاج ملا عبداللطیف منصور صاحب، په خپل کاري دفتر کې د ترکیې، کینیا، بورکینا فاسو، نایجیریا، موریتانیا او صربیا هېوادونو له علماوو سره وکتل.
په دې لیدنه کې دواړو لورو په هېواد کې د اسلامي امارت د ټینګښت، د اسلامي هېوادونو د یووالي او په افغانستان کې د پراختیایي پروژو د پلي کېدو په اړه خبرې وکړې او په دې برخه کې یې د خپلو همکاریو ډاډ څرګند کړ.
د غونډې په پای کې، محترم وزیر الحاج ملا عبداللطیف منصور صاحب وویل: له نېکه مرغه زموږ په هېواد کې اسلامي نظام حاکم دی او ټول ولس ورسره په خوښۍ ولاړ دی. د کلیو د بیارغونې او پراختیا وزارت هڅه کوي چې د هېواد په ګوټ ګوټ، په ځانګړې توګه په هغو سیمو کې چې له پامه غورځېدلې دي، پراختیایي پروژې پلي کړي، څو د خلکو ستونزې هوارې شي.
