په سمنګان کې د ۲۵ مترو په اوږدوالي د یوه اوسپنیز کانکریټي پل د جوړیدو کار روان دی
د کلیو د بیارغونې او پراختیا وزارت د ولسي تړون ملي پروګرام له لوري د سمنګان ولایت د حضرت سلطان ولسوالۍ اړوند د ولت آباد کلي د پراختیایي شورا لخوا د ۵.۳ میلیونه افغانیو په ارزښت د یوه اوسپنیز کانکریټي پل د جوړیدو کار ۸۵ سلنه مخکې تللی. دغه پل ۲۵ متره اوږدوالی او ۳۵۰ سانتي متره پلنوالی لري چې د پروژې د کار په بهیر کې به ماهرو اوغیر ماهرو کاریګرو ته ۳۳۴۱ کاري ورځې رامنځته شي.
ددې پروژې په بشپړتیا سره به ۳۵۷ کورنۍ ترینه ګټه واخلي.
