په تیره اونۍ کې یو ښوونځی جوړ او هیواد په ۷ ولایتونو کي د ۱۰ نورو هغو د جوړیدو چارې روانې دي
د کلیو بیارغونې او پراختیا وزارت د ولسي تړون اقرا پروګرام تر سیوري لاندې د بلخ ولایت په نهر سراج ولسوالۍ کې یو ښوونځی جوړ شو او د کندهار ولایت په ژیړۍ، د ننګرهار ولایت په چپرهار، د زابل ولایت په شاه جوی، د بلخ ولایت په دولت اباد ، دفاریاب ولایت په بلچراغ،د پکتیکا ولایت په سروبي ولسوالیواو غزني ولایت په مرکز کې د ۱۰ نورو ښوونځیو دجوړیدو کارونه پای ته نږدې شوي دي.
دا ښوونځي ۱۲، ۱۰، ۸ او یا ۶ ټولګي، تشنابونه، او د څښاک داوبو څاه ګانې لري او په جوړیدو سره به یې ۲۵ زره کاري ورځې را منځته شي.
د جوړ شوي ښوونځي په جوړیدو سره ۳۰۰ زده کوونکیو ته دښوونې او روزنې وړ چاپیریال رامنځته شوی او د نویو ښوونځیو په جوړیدو به ۳۵۷۳ زده کوونکي ترې ګټه پورته کړي.
