په بلخ ولایت کې د نږدې ۲ میلیونه افغانیو په ارزښت د اوبو لګولو د کانال پروژه بشپړه شوه
په بلخ ولایت کې د کلیو د بیا رغونې او پرمختیا وزارت د سیمه ییز پروګرام له لوري د اوبو لګولو د کانال پروژه چې نږدې ۲ میلیون افغانۍ ارزښت لري بشپړه شوه.
د دغې پروژې په ترڅ کې د دغه ولایت د نهر شاهي ولسوالي په کمپیرک کلي کې د ۱۸۳ مترو په اوږدوالي د اوبو لګولو کانال جوړ شو.
د یادې پروژې د تطبیق پر مهال چې د کرنې د نړیوال پرمختیايي صندوق له لوري تمویل شوې ۱۳۴۱ کاري ورځې رامنځته شوي او د سیمې ۱۴۶۴ اوسیدونکي له دغې پروژې ګټه پورته کوي. د یادونې وړ ده چې د دغې پروژې له لارې د سیمې ګڼ شمیر کرنیزه ځمکه د اوبو لګولو تر منظم پوښښ لاندې راغلې ده.
