د کلیو بیارغونې او پراختیا وزارت د برنامو نوي ټاکل شوي معین د کلیوالي اقتصاد د پیاوړتیا پروګرام څخه لیدنه وکړه
د کلیو بیارغونې او پراختیا وزارت د برنامو نوي ټاکل شوي معین ښاغلي شهزار ځدراڼ د وزارت د پروګرامونو څخه د لیدنو په لړ کې دا وار، د کلیوالي اقتصاد د پیاوړتیا پروګرام له مشرتابه او ټولو مرکزي کارمندانو سره ناسته ترسره کړه او د یاد پروګرام د فعالیتونو په څرنګوالي يې خبرې وکړې.
د کلیوالي اقتصاد د پیاوړتیا اجرایوي رییس رحمتالله قریشي په دې ناسته کې ښاغلي ځدراڼ ته د برنامو د معین په توګه د مبارکۍ تر څنګ د هېواد په ۳۴ ولایتونو کې د پروګرام په عمومي موخو، لاستهراوړنو او ننګونو خبرې وکړې.
د ناستې په پای کې، د برنامو معین ښاغلي ځدراڼ د یاد پروګرام د لا ښه پليکېدا په موخه یو لړ لازمې سپارښتنې او سلامشورې د پروګرام له مشرتابه سره شریکې کړې، چې د پروګرام د مشرتابه له لوري یې د ترسره کېدا ژمنه وشوه.
