په کونړ ولایت کې د ۲۱۰ کورنیو لپاره د څښاک پاکې اوبه برابرې شوې
د کلیو بیا رغونې او پراختیا وزارت په کلیوالي سیمو کې د اوبو رسولو، روغتیا ساتنې او اوبو لګولو ملي پروګرام له لوري د کونړ ولایت د اسمار ولسوالۍ په کرکنه کلي کې نږدې د ۳ میلیونو افغانیو په ارزښت د اوبو رسولو یوه لمریزه شبکه جوړه او ګټې اخیستنې ته وسپارل شوه.
د اوبو رسولو په دغه شبکه کې د ۲.۱ مترو په اوږدوالي د پایپونو غځول، د ۲۰ متره مکعب په ظرفیت سره د یوې ذخیرې جوړول، د لمریزو تختو (سولرونو) او نل بندانونو نصبول شامل وو.
د اوبو رسولو ددغې شبکې په جوړېدو سره شاوخوا ۲۱۰ کورنیو لپاره د څښاک پاکې اوبه برابرې شوې او دغې پروژې کاري بهیر ۱۲۰ ورځې رامنځته کړې وې.
