په کندهار کې د ۱.۲ میلیونه افغانیو په ارزښت د بریښنا د یوې شبکې کار بشپړشو
د کلیو بیارغونې اوپراختیا وزارت د ولسي تړون ملي پروګرام له لوري د کندهار ولایت د سپين بولدک ولسوالۍ په حاجي کوتان کلي کې د ۱.۲ میلیونه افغانیو په لګښت د ۳,۰۶ کیلو واټو په ظرفیت سره د لمریزې برېښنا د شبکې کار بشپړ او ګټې اخستنې ته وړاندې شوی ده .
په دې شبکه کې ۱۳ دانې ۳۳۰ واټه سولری تختې او۲۰۰ امپیره ۱۲ بطریو پر نصب سربېره ۱۲۰۰ متره تار غځېدلی دی. د دغه پروژې د جوړېدو په بهیر کې تخنیکي او نا تخنیکي کاریګرو ته ۶۰۱ کاري ورځې رامنځته شوېدي او ۲۶ کورنۍ به ترې گـټه پورته کوي.
