په کندهار کې د داخلي تولیداتو ستر نندارتون جوړ شو
د کلیو بیارغونې او پراختیا وزارت د کلیوالي اقتصاد د پیاوړتیا ملي پروګرام، لسو تنو ګټه اخیستونکیو په سویل لویدیز زون کندهار ولایت کې د افغانستان د سوداګرۍ او صنایعو خونې له خوا په جوړ شوي درې ورځني نندارتون کې ګډون وکړ.
دا نندارتون، چې له داخلي تولیداتو څخه د ملاتړ په موخه د کندهار ولایت په شاهي صالون کې د دریو ورځو لپاره جوړ شوی، څه دپاسه پنځوسو سوداګریزه موسسو ته یې د سیمه ییزه تولیداتو د پلورنې زمینه برابرې کړې ده.
یو شمېر تولیدات لکه: وطنی جامې، په لاس ګنډل شوي یخنونه، د ماشومانو لباسونه، له مریو څخه جوړ د ښکلا او تزین وسایل، خوراکي توکي او نور کلیوالي تولیدات په دې نندارتون کې د نندارې او پلورنې په موخه وړاندې شوي دي.
د یادونې وړ ده، چې دا نندارتو به د راتلونکي یوې بلې ورځې لپاره هم په یاده سیمه کې دوام وکړي.
