په کاپیسا کې د ۴.۲ میلیونه افغانیو په ارزښت د څښاک د اوبو یوه لمریزه شبکه ګټې اخیستنې ته وسپارل شوه
د کلیو د بیارغونې او پراختیا وزارت په کلیوالي سیمو کې د اوبو رسولو او حفظا لصحې د پروګرام له لوري د کاپیسا ولایت د مرکز محمود راقي اړوند رستمخېلو کلي کې د نږدې ۴.۲ میلیونه افغانیو په ارزښت د څښاک د اوبو یوه لمریزه شبکه جوړه او د ځايي خلکو ګټې اخیستنې ته وسپارل شوه. ددغې شبکې په جوړېدو سره د ۳۰۹ کورنیو او اوو جوماتونو لپاره د څښاک پاکې اوبه برابرې شوې.
د اوبو رسولو په دغه پروژه کې د یوې ژورې څاه کیندل، د څه باندې ۶،۶۰۰ متره اوږدې پایپونو د شبکې غځول، د سولرونو لپاره د یوې احاطې جوړول، د ۱۸ لمریزو ښیښو (سولرونو) او نورو اړینو پُرزو نصبول شامل وو.
د اوبو رسولو ددغې پروژې د جوړولو چارو دغه راز د ځايي خلکو لپاره په سلګونه کاري ورځې هم رامنځته کړې.
