په پنجشیر کې درې پراختیايي پروژې ګټې اخیستنې ته وسپارل شوې
د کلیو بیا رغونې او پرختیا وزارت د ولسي تړون ملي پرګرام له لوري د پنجشیر ولایت د شتل ولسوالۍ په ده کلان کلي کې د ۳۷۵۶ مترو په اوږدوالي د ابو رسولو یوه شبکه، چې ۲۱ شیردانونه لري، په جانان کلي کې د ۲۸۳ مترو په اوږدوالي د کرنیزو ځمکو لپاره کانال او په محله بالا کلي کې د ۱۰۲ مترو په اوږدوالي کرینز کانال او ۴۳ مترو په اوږدوالي استنادي دیوال د ۶ میلیونو څخه زیاتو افغانیو په ارزښت جوړ او ګټې اخیستنې ته وسپارل شول.
ددغو پروژو په تطبیق کې تخنیکي او نا تخنیکي کاریګرو ته ۶۱۳۵ کاري ورځې رامنځته شوې، چې ۶۰۶ کورنۍ یې له ګټې برخمنې شوې او کابو ۱۱۴۰ جریبه کرنیزه ځمکه یې د اوبو له منطم خړوب څخه برخمنه کړې ده.