په ننګرهار کې د ۷ میلیونه افغانیو په ارزښت د ۳۱۷ متره استنادی دیوال د پروژې کار روان دی
په ننګرهار ولایت کې د کلیو د بیا رغونې او پراختیا وزارت د سیمه ییز پروګرام له لوري د څه باندې ۷ میلیونه افغانیو په ارزښت د محافظوي دیوال د جوړولو د پروژې کار ۸۵ سلنه مخ ته تللی دی.
د دغې پروژې په ترڅ کې د یاد ولایت د هسکې مینې ولسوالي په کوټه وال کلي کې د ۳۱۷ مترو په اوږدوالي استنادي دیوال د بشپړیدو په حال کې دی.
د دغې پروژې د تطبیق پر مهال چې له ملي بودیجې تمویل شوې ۳۵۸۱ کاري ورځې رامنځته او په بشپړیدو به یې نږدې ۸۴۰ ځايي اوسیدونکي ترې ګټه پورته کړي.
د یادونې وړ ده چې دغه پروژه به د سیمې ګڼ شمیر کورونه او زراعتي ځمکه د سیلابونو له ګواښ څخه خوندي کړي او پدې توګه به د سیمې اوسیدونکو ته د سیلابونو له اړخه د ځاني او اقتصادي زیان د ور رسیدو مخه نوره ونیول شي.
